Pơ ma tơ̆ lêh tơlĕch jang, Thủ tướng Phạm Minh Chính tơbăt vă tơdrong jang jah pơm đang păng hơtŏk hơnăp jang pơ trŭt hơtŏk tơiung pran kơtang ăn pơlei tơm Cần Thơ, Thủ tướng athei: Đảng bộ păng Khŭl kơdră chĕp kơ̆l dôm tơring kơ pơlei tơm Cần Thơ kăl kơ hlôh vao tôm hơnăp jang tơ̆ hơnăp Đảng, Teh đak pơm tơdrong hiôk ăn dôm bơngai iŏk jang păng pơtho tơƀôh dăr hơlen.

Bơngơ̆t truh chĕp kơ̆l, pơgơ̆r tơplih ‘lơ̆ng hơnih tơmơ̆t jên jang tĕch mơdro, pơm tơdrong rơhơi hiôk, hơmet pơ ‘lơ̆ng hrĕnh dôm hla ar bơ̆ jang kŭm nhen dôm tơdrong mơmat tat tơhlăk tơhlĭn păng anih jang mơdro sa lơ̆m iŏk jang; tơtĕnh roi tơbăt ăn kơdră gơh jang hơmet pơ ‘lơ̆ng dôm tơdrong tơhlăk đei ƀôh; akŏm bơngơ̆t truh vei lăng sơđơ̆ng hơnih oei sa, proh hơmet tơdrong jang păng tơdrong hiôk arih sa kơ kon pơlei hlôi pơ jao teh ăn tơdrong jang.