VOV4.Bahnar - Dêh char Thanh Hóa hlôi pơ gơ̆r lêh tih tơ băt 75 sơ năm năr Ƀok Hồ ‘măng mă blŭng năm tơ mang tơ̆ Thanh Hóa (20-2-1947 - 20-2-2022); pôk pơ ư kon pơ lei jang ‘lơ̆ng, khŭl grŭp jang ‘lơ̆ng păng tơ lĕch jang tơ drong jang pơ jei băl sơ năm 2022.  Pơ ma tơ̆ jơ pơm lêh, Ƀok Đỗ Trọng Hưng, Bí thư Anih jang Đảng dêh char, Kơ dră vei lăng Jơ nŭm pơ gơ̆r kon pơ lei dêh char Thanh Hoá akhan, rim ‘nu, rim anih jang, athei hơ drin jang ‘lơ̆ng păng jang ‘lơ̆ng hloh dơ̆ng tơ drong jang đơ̆ng kơ dih yua kơ tơ drong đei yua kơ khŭl grŭp, pơ lei pơ la, teh đak; rim chi bộ, kang ƀô̆ Đảng viên, mă loi ‘noh jĭ bơ ngai chĕp kơ̆l anih jang athei hơ tŏk hơ năp jang pơm jŭk yŭk trong hơ lâu, jĭ bơ ngai tơm chông trong hơ drol lơ̆m dôm tơ drong jang pơ jei băl tơ̆ tơ ring, tơ plih tơ drong jang pơ jei băl jing tơ drong jang kach mang jrŭ să, tơ drong ‘lơ̆ng vă jang kiơ̆ jơ nei dôm tơ drong jang đơ̆ng tơ ring, anih jang păng lơ̆m dêh char.

Thuem: Tơ blơ̆