VOV4.Bahnar - Tơ̆ pơ lei tơm Buôn Ma Thuột, dêh char Dak lak hlôi tơ lĕch jang tơ drong jang hơ tŏk ‘lơ̆ng tơ drong kơ jăp, plei ‘yăl păng kơ jă kăp gĭt mŭk drăm đơ̆ng tơ drong jang choh pơ tăm păng tơ drong kăp gĭt đơ̆ng ‘long cheh phe păng tiu tơ̆ tơ ring Tây Nguyên Việt Nam.

Dôm bơ ngai joăt jang roi tơ ƀôh ki kuơ̆t vei lăng cheh phe ăn kon pơ lei vang jang tơ drong jang

Tơ drong jang yua đơ̆ng Anih tơ chĕng hơ len choh jang sa apŭng plĕnh teh Australia bơ̆ jang kiơ̆ đei tơ lĕch jang truh khei 9/2024 tơ̆ 3 dêh char Gia Lai, Dak Lak, Dak Nông hăm tơ drong vang jang đơ̆ng vă jê̆ 300 ŭnh hnam pơ tăm cheh phe păng tiu, akŏp jên tơ mơ̆t jang vă jê̆ 90 ti hlak jên. Tơ drong đơ̆ng tơ drong jang ‘noh jĭ vă hơ met ‘lơ̆ng tơ drong arih sa đơ̆ng ŭnh hnam jang chŭn mir iĕ tơ ring Tây Nguyên, mă loi ‘noh jĭ grŭp kon pơ lei ƀônh đei ưh kơ ‘lơ̆ng, ‘moi kiơ̆ tơ plĭh ‘lơ̆ng tơ drong kơ jăp păng tơ drong kơ jă kăp gĭt lơ̆m pơ tăm cheh phe păng tiu.

Thuem: Tơ blơ̆