VOV4.Bahnar - Anih bơ̆ jang Khŭl kơ dră teh đak tơ lĕch Hla ar roi tơ băt kơ sô̆  253 tơ roi nơ̆r tơ chơ̆t đơ̆ng Thủ tướng Phạm Minh Chính tơ̆ ‘măng hop akŏm mă 3 kơ Anih jang Teh đak găh tơ plih kơ sô̆. Roi tơ băt nơ̆r tơ chơ̆t, tơ plih kơ sô̆ athei jing tơ mam gĭt kăl lơ̆m pơ jing mŭk drăm pơm kơ dih, tơ klep hăm kơ chăng, hơ drin mơ̆t jang hơ dai hăm apŭng plĕnh teh jrŭ să, đei yua, ‘lơ̆ng. Tơ plih ‘nao kơ măy kơ mŏk, pơm lơ anih tĕch mơ dro, dôm tơ drong tĕch mơ dro, tơ mam, hơ tŏk ‘lơ̆ng tơ mam vă tơ gop tơ iung ming păng hơ tŏk tơ iung mŭk drăm - tơ pôl. Thủ tướng teh đak athei đơ̆ng dang ei truh đĭ sơ năm 2022 păng tơ̆ hơ năp kơnh, Kơ dră rim Anih tơm, kơ dră anih jang hơ tŏ anih tơm, anih jang găh Khŭl kơ dră teh đak, Kơ dră Anih vei lăng kon pơ lei rim dêh char, pơ lei tơm găh Trung ương hơ drin, kơ chăng hloh dơ̆ng, khŏm pơ gơ̆r tơ lĕch jang, pơm đei tơ drong jang, hơ met ăn kon jên jang kiơ̆ dôm tơ drong jang tơ plih kơ sô̆ đơ̆ng anih tơm, anih jang, tơ ring kơ dih.

Thuem: Tơ blơ̆