Kiơ̆ kơ noh, Luơ̆t đei tơbang noh: Luơ̆t ming hơmet minh pah tơdrong lơ̆m Luơ̆t Tân sô̆ vô twê̆n điê̆n; Luơ̆t pơm kiơ̆ pơkăp rơngei hiôk tơ̆ tơring  Luơ̆t đak dâu hơyuh xoh; Luơ̆t tang găn păng tơjră teh dong lơ̆m unh hnam; Luơ̆t hơlen chih akŏm păng Luơ̆t tang găn păng tơjră pơ-'lơ̆ng jên hu.

Tơ̆ hop akŏm hla bar tơroi, tơl nơ̆r apinh đơ̆ng bơngai chih kơtơ̆ng ang găh tơdrong Luơ̆t hơlen chih akŏm 'nao hơmet đei tơdrong adar tơbang pơkăp lơ̆m chă hơlen chih akŏm dăh mă ưh? Mưh duh oei adar noh bơngai yơ gô pŭ xơnong? Ƀok Trần Ngọc Liêm, Phŏ Kơdră Anih jang Hơlen chih akŏm kơ Khul Kơpal teh đak xơkơ̆t, ăh luơ̆t âu đei iŏk yua, đei pơm jang noh tơpă gô pơm tơjur tơdrong adar tơbang pơkăp hơlen chih akŏm păng pơkăp gô pă đei oei adar bơih ôh.