VOV4.Bahnar – Kơ hrĕng 'nu đei hơvơn  tang măt ăn dôm khul kơpal jang tơbôl, dôm anih jang apŭng plenh teh, dôm jơnŭm jang tơbôl hăm Việt Nam hlôi truh akŏm lêh pơgơ̆r ăh kơmăng năr 11/10 tơ̆ Anih jang Pơtho Pơhrăm – Khoa hŏk păng Joh ayŏ kơ Liên hơp kuôk UNESCO ƀơ̆t tơbăt 35 xơnăm 'năr  UNESCO tơlĕch tơchơ̆t tơbăt 100 xơnăm 'năr rơneh Ƀok Kơdră Hồ Chí Minh, bơngai nuih mơng pơ rơngei hơdrung hơdrĕch păng Bơngai Joh ayŏ gơh rơgei kơ Việt Nam.

 Tơdrong akŏm đei hơnăn “Kơdră Hồ Chí Minh: Bơngai nuih mơng kơ rơngei păng dơnưp tơnăp” kơyuơ Kơdră jang tang măt ăn Việt Nam tơ̆ Phlăng, Khul kơpal Việt Nam jang tơ̆ UNESCO atŭm hăm UNESCO pơm lêh tơbăt 35 xơnăm Tơchơ̆t đei Anih jang UNESCO hơlen tơ̆ 'măng hop akŏm mă 24 pơgơ̆r đơ̆ng năr 20/10 truh năr 20/11/1987.

VOV/Lan tơblơ̆