Ƀơ̆t tơbăt 78 xơnăm Năr tơ-iung pơjing Khul Linh Kon pơlei Việt Nam, pơgê năr 21/12, Khul Kơpal tang măt ăn Anih jang tang măt, Anih jang Tơgŭm găh Linh, dôm anih jang đei tơrĕk, anih jang mŭk drăm, Jơnŭm tơbôl Khmer - Việt Nam tơ̆ teh đak Campuchia hlôi truh 'măn kơvang pơkao, plang hlôt nhang tơ̆ Um man ƀlŏk tơbăt Tơbôl Việt Nam-Campuchia, tơ̆ anih tơm Phnom Penh.

'Nâu jing tơdrong jang juăt jue vă ƀlŏk tơbăt kơ tơdrong plang tih tên đơ̆ng đe linh Việt Nam khŏn năm jang tơ̆ Campuchia. Kiơ̆ đơ̆ng âu adoi tơgŭm pơtho pơhrăm păng tơroi truh chăl kon xâu mơlôh, vă vei răk tơƀăk mong kơjăp hloh dơ̆ng dôm tơdrong juăt jue 'lơ̆ng rŏ kơ Khul Linh Kon pơlei Việt Nam, duh nhen tơgop pơm hơtŏk pơ-'lơ̆ng ăn tơdrong tơbôl Việt Nam – Campuchia roi năr roi kơjăp hloh.