VOV4.Bahnar - Pơgê năr 12/1, Dơnŏ anĭh tơm Ƀô̆ đô̆i vei lăng sơlam tĕh đak pơgơ̆r hop akŏm trư̆k tuyên Pơtôch tơdrong jang kiơ̆ Tơdrong vă jang “Atŏk kơtang tơƀô̆h ăn, pơtho tơbăt khôi luơ̆t ăn kang ƀô̆, kon pơlei tơring sơlam tĕh đak, achon dơsĭ sơnăm 2017-2021” tơ̆ 46 hơnĭh pơdăh hop akŏm hăm hlŏh 1.500 ‘nu bơngai tang măt vang hop akŏm tơ̆ Hơnĭh chĕp pơgơ̆r Khŭl ƀô̆ đô̆i vei lăng sơlam tĕh đak, Ƀô̆ đô̆i đak dơsĭ păng rim dêh char sơlam tĕh đak.

Rim kơdră tang măt vang hop akŏm jei drơ̆ng mĭnh nơ̆r ‘nau jing mĭnh Tơdrong vă jang tĭh, vă atŏk kơtang jơhngơm đon hlô̆h vao, pơm kiơ̆ kơ jăp khôi luơ̆t ăn kon pơlei tơring sơlam tĕh đak, achon dơsĭ, jang kiơ̆ trong bơ̆ jang đơ̆ng Đảng păng khôi luơ̆t Tĕh đak găh tơ iung pơjing tơring sơlam tĕh đak, tơ iung pơjing trong jang kon pơlei vang vei lăng tĕh đak tơklep hăm tơdrong pran vei lăng sơđơ̆ng tĕh đak lơ̆m kon pơlei pran kơ jăp iăp kơtang. Lơ̆m 2 sơnăm au ki, hăm trong jang “Tang găn jĭ hơbŭh nhen tang găn ayăt”, khŭl Ƀô̆ đô̆i vei lăng sơlam tĕh đak hlôi jang keh đang ‘lơ̆ng 2 tơdrong jang, mĭnh păh vei lăng kơ jăp pơm tơngla groi tĕh, sơđơ̆ng tơring sơlam Tĕh đak, adoi iung jang tang găn jĭ Covid-19 mơ̆t kiơ̆ tơring sơlam tĕh đak, vei lăng năng tông jơhngơ̆m jăn ăn kon pơlei, vei kơ jăp sơđơ̆ng dơ̆ng kơ jăp ăn Tĕh đak.

Tơblơ̆ nơ̆r: Amazưt