Tơ̆ Hà Nội, Jơnŭm jang Twên yăo Trung ương păng Anih Pơdăh tivi Việt Nam jang atŭm pơgơ̆r tơdrong akŏm “Hô Chĭ Minh – Hơyak kiơ̆ hơpơi 2022” – Pôk bơnê kơ dôm bơngai jang rơgei jâ̆p teh đak lơ̆m hŏk pơhrăm păng pơm kiơ̆ đon 'lơ̆ng, trong jang Hô Chĭ Minh.

Kơdră teh đak Nguyễn Xuân Phúc păng rim bơngai tang măt năm akŏm Tơdrong “Hô Chĭ Minh – Hơyak kiơ̆ hơpơi 2022”. Um: Thống Nhất/TTXVN

Kơdră teh đak bơ̆n Nguyễn Xuân Phúc atŭm hăm lơ kơdră kơpal kơ Đảng, Teh đak vang năm akŏm. Tơdrong akŏm đei 3 apăng hăm dôm hơnăn: Hơyak dơhnit unh khơ̆ng: Jơhngơ̆m pran đo lui hơpơi jơnap.

Tơdrong pơdăh joh ayŏ lơ̆m akŏm. Um: Thống Nhất/TTXVN

Lơ̆m tơdrong akŏm  jing dôm tơdrong tơroi kơ kon bơngai hlôi vei lơ̆m hơkâu po jơlăh unh hơpơi 'moih kơ po vă pơm jang ăn kon pơlei, ưh kơ hli tơnap tap, hrat hrĭn; dôm tơdrong tơroi kơ bơngai jang plang dơh po kơyuơ kon pơlei, Teh đak, tơjră hăm dôm tơdrong glăi, tơdrong kơnê̆... Đơ̆ng noh vei xơđơ̆ng đon lui kơ kon pơlei lơ̆m jâ̆p tơring kơ teh đak hăm Đảng, hăm Teh đak. Dăh mă dôm tơdrong tơroi gơh rơgei kơ bơngai Việt vă hơtŏk mŭk drăm teh đak. Tơ̆ 'măng akŏm, rim bơngai tang măt oei đei pơma dơnuh hăm dôm bơngai jang rơgei, tơroi kơ dôm tơdrong jang kăp gĭt.