Lơ nơ̆r pơma đơ̆ng bơngai tang măt vang truh hop akŏm akhan, tơdrong chĕp kơ̆l trŏ ƀlep, tơtom, tôch ‘lơ̆ng đơ̆ng Kơdră chĕp kơ̆l Đảng dêh char, Khul kơdră chĕp kơ̆l dêh char Lâm Đồng jĭ tơdrong gĭt kăl hlŏh; tơdrong vang jang hrơ̆ch ‘lơ̆ng đơ̆ng rim anih jang chinh trĭ jĭ tơdrong tôch kăp gĭt păng tơdrong drơ̆ng nơ̆r vang tơgŭm đơ̆ng kon pơlei jĭ tơdrong tơm tôch ‘lơ̆ng pơm ăn tơdrong pôk rơih gơ̆h pơgơ̆r đang ‘lơ̆ng.

Ƀok Lưu Văn Trung, Kơdră Jơnŭm pơgơ̆r kon pơlei dêh char, Phŏ Kơdră vei lăng Khul pơgơ̆r pôk rơih, Kơdră Anih pơgơ̆r pôk rơih dêh char Lâm Đồng, pơma hơdăh, tơdrong jơnei ‘lơ̆ng đơ̆ng pôk rơih âu tôch gĭt kăl lơ̆m tơdrong pơjing Khul kơdră pơgơ̆r teh đak pran kơjăp.