'Nou jĭ tơdrong jang pơm tơlĕch unh hơyuh đơ̆ng kial đei jên asong jang kơtă đơ̆ng teh đak đe lơ hloh lơ̆m dêh char, hăm kơsô̆ jên pơhlom 8.700 tih hlj. Kiơ̆ pơkăp jang, rim sơnăm hơnih kơmăi ou asong pơhlom 640 triu kWh unh hơyuh rơgoh 'lơ̆ng ăn unh hơyuh teh đak, tơgop vei sơđơ̆ng unh hơyuh ăn tơring Tŏk bŏk  - Tây Nguyên, atŭm hăm noh pơjing atăm jên mong ăn teh đak păng asong tơdrong jang ăn bơngai jang.

Đăk Lăk sơkơ̆t hơdah unh hơyuh ou jĭ minh lơ̆m dôm tơdrong jang hơdrol hloh vă hơvơn asong jên jang, pơtoi pơm trong hiôk vă rim hơnih asong jang gơh pơm tơlĕch unh hơyuh rơgoh 'lơ̆ng, tơgop hơtŏk mŭk drăm păng hơtŏk tơ-iung kơjăp sơđơ̆ng.