VOV4.Bahnar  -  Nhen Rađiô nơ\r pơma VN hlôi pơtơ\ng, dôm j^t ha bri tơm kơ [ar Pơgar bri Chư Yang Sin (dêh char Đăk Lăk) păng Bi Đoup – Núi Bà (dêh char Lâm Đồng) hlôi [ơm đe chôk glăi [ơ\t dôm anih io\k ming man jăl trong Trường Sơn Đông. Bri tam mă đei anih kơpal axong tơplih pơm jang, tơdrong phă bri ưh đei tơdrong hơlen đơ\ng tơm bri, anih jang kơpal. Tơdrong tơle\ch noh hăm minh hơgăt bri tơm xă thoi noh kơ [ar pơgar dơnơm [ơm phă pơrăm, 'long [ơm ot dang ei hlôi hiong tơ\ yơ? {ai chih tơ\ hơla âu tơroi găh tơdrong âu

          Anih bri [ơm phă pơrăm vă bơ\ jăl trong Trường Sơn Đông lơ\m dôm tơring 22 păng 26, tơring bri lơ\m Pơgar Bi Đoup - Núi Bà, lơ\m hơgăt teh pơkăp kơ xăh Đưng K’Nớ, apu\ng  Lạc Dương, dêh char Lâm Đồng. Tơ\ âu, minh jăl trong ataih hloh 3km hlôi pơih găn dôm cham bri đei 'long tih – bri phat, bri ưh kơ giơ\ng păng teh hoh kơ Pơgar Bi Đoup - Núi Bà.

Rok kiơ\ jăl trong dang ei oei răh rai gru kơ minh [ar tơm 'long bri [ơm đe chôk kăl, [ơm teh tơmo kla#p. Năm hơlen tơ\ anih chôk, [ok Thân Văn Hữu, {^ thư Đảng uỷ adoi jang Kơdră Anih vei lăng kon pơlei xăh Đưng K’nớ (apu\ng Lạc Dương) ăn tơbăt, tơdrong chôk kăl 'long bri vă bơ\ trong đei [ôh lơ\m xơnăm 2021: “Nhôn adrol ki duh năm hơlen hơnơ\ng, duh đei anih io\k jang, mă lei anih jang duh ưh đei tơre\k kiơ hăm jơnu\m pơgơ\r tơring vă chă pơma dơnuh duh nhen tơroi găh dôm trong tơle\ch jang. Anih io\k ming man ưh đei tơre\k bơ\ jang hăm xăh. Nhôn adro# băt trong âu to\k bo\k oei man đe\ch, to\k bo\k bơ\ trong tơdăng. Dang ei duh pơgơ\r đe 'nho\ng oh chă hơlen hơnơ\ng, kơjăp, ưh đei le# tơdrong vă bơ\ trong mă chôk kăl le# 'long bri kư\ kă thoi âu”

           {ok Nguyễn Lương Minh, Pho\ Kơdră Pơgar Bi Đoup - Núi Bà ăn tơbăt, vă bơ\ jăl trong Trường Sơn Đông, Anih vei lăng kon pơlei dêh char Lâm Đồng hlôi tơchơ\t thu io\k 13,5ha teh pơgar pơjao ăn Jơnu\m vei hơlen pơm jang 46. Kiơ\ tơchơ\t, tơdrong bơ\ trong adro# đei tơle\ch đơ\ng ro\ng kơ đei anih kơpal k^ pơkăp tơplih bri, jơnu\m pơgơ\r tơring păng anih jang kơpal chă chôk pơ 'nguaih teh tơmăn, thu io\k 'long bri, pơjao teh bơ\ trong. Mă lei, ăh tam mă keh đang dôm hla bar noh anih io\k man hlôi kơdih chă chôk kăl 'long bri. Tơdrong mă âu glăi hăm dôm tơchơ\t đơ\ng teh đak păng dang ei duh tam mă đei xơkơ\t 'long bri [ơm pơrăm noh dôm yơ:  “'Long noh duh đei, găh Anih vei Hơlen bri to\k bo\k oei xơkơ\t, 'năr brei, 'năr noh xơ\ ba duh pơjao chă hơlen mă hơdăh tơdrong âu. Noh tơdrong âu Anih vei lăng kon pơlei dêh char hlôi pơgơ\r anih jang kơpal pơm hơdăh, ning mônh kơnh gô hơlen pơm hơdăh xơnong jang kơ dôm khul jang”

             Lơ\m kơplăh noh, găh tơring bri Pơgar Chư Yang Sin, dôm anih jang kơpal dêh char Đăk Lăk mă blu\ng xơkơ\t, dôm anih io\k ming man jăl trong Trường Sơn Đông tơ\ anih pơkăp Đ41 hlôi chôk kăl hloh 15ha bri lơ\m [ar tơring 1383 păng 1402 ăh tam mă pơkăp tơplih tơdrong yua bri, tam mă io\k yua tơ\r.

Hloh 7km jăl trong hlôi đei iung jing, hăm lơ cham char bri giơ\ng 'lơ\ng, bri 'long hla tih hla ie\, 'long phat. {ok Nguyễn Quốc Hưng, Kơdră Anih Hơlen bri dêh char Đăk Lăk ăn tơbăt, tơdrong bơ\ hla bar tơplih bri vă man trong Đ41, tơdrong man jăl trong Trường Sơn Đông, anih jang kơpal hlôi xơkơ\t 'long bri noh hloh 260m3: “Chă hơlen tơdrong chôk kăl, hơmet bơ\ hla bar tơplih tơdrong yua bri noh 16,72ha âu đei minh [ar hơgăt 'long bri, tơ\r. Lơ\m noh đei bri xơkơ\t đei noh 264m3. Tam mă đei trong pơkăp io\k yua kơlih tam mă đei tơchơ\t tơplih yua bri. Đơ\ng ro\ng kơ tơchơ\t tơplih noh pơtoi xơkơ\t tơm 'long vă xơkơ\t tơ\r gơh io\k yua, vă te\ch io\k jên tơmơ\t lơ\m jên mong teh đak”

             Hăm dôm j^t ha bri tơm đei vei lăng kơjăp kơ 2 pơgar tơm hăm 'long ot tơ\r xă hloh. Cho\ng mă, dang ei tôm 'long bri tơ\ jăl trong ataih hloh 10km hlôi [ơm phă pơrăm. Dang ei oei pă minh [ar tơm 'long [ơm teh kla#p rok jih trong, đei 'long tih măh [ar rơvak ti. Tơdrong mă tơpôl tơre\k noh kơso# 'long ot tơ\r tih tơ\ jăl trong 'nao pơm găn bri tơm kơ 2 Pơgar bri Chư Yang Sin (dêh char Đăk Lăk) păng Bi Đoup – Núi Bà (dêh char Lâm Đồng) hlôi hiong tơ\ yơ? păng bơngai chiu pu\ xơnong ăn tơdrong mă mu\k drăm teh đak [ơm hiong răm?

Lan chih păng pơre nơ\r