VOV4. Bahnar - Kiơ̆ kơtơ̆ng ang đơ̆ng Dơnŏ anĭh vei lăng Tơdrong vă jang tơmơ̆t jên jang pơm trong nơnăm dêh char Kon Tum tơbăt, trŭh dang ei, Tơdrong vă jang ming hơmet rim jăl trong kơnê̆ lơ̆m Trong glung 24 găn hlŏh dêh char Kon Tum hlôi jang keh đang.

Ming man lơ̆m khei ‘năr tuch luch Tơdrong vă jang ming hơmet trong kơnê̆ kơ Trong glung 24 găn hlŏh apŭng Kon Plông, dêh char Kon Tum

Lơ lŏh trŭh đơ̆ng rŏng, tơdrong ming hơmet trong nơnăm hlôi jang keh đang trŏ lăp hăm khei ‘năr pơkă 30/6, khei ‘năr pơkă mă Dơnŏ anĭh tơm Vei lăng trong gre nơnăm măh hơmet ‘măng mă 2 hăm tơdrong ming man au. Ƀok Đàm Phúc Tuyên, Kơdră chĕp pơgơ̆r Dơnŏ anĭh vei lăng Tơdrong vă jang ming man trong gre nơnăm dêh char Kon Tum tơbăt, tơdrong vă jang au đei 31km trong nơnăm, lơ̆m au đei 9km trong nơnăm găn hlŏh pơlei tơm Kon Tum păng apŭng Kon Brăih. Tơdrong vă jang găh tơnô̆ 2 lơ̆m Tơdrong vă jang Ming hơmet rim jăl trong hư răm kơ Trong glung 24 jăl trong găn hlŏh dêh char Kon Tum đei kon jên tơmơ̆t jang 847 ti hlak jên đei iung jang đơ̆ng năr 23/7/2020. Tơdrong vă jang ming hơmet 31km trong nơnăm kơ yuơ Dơnŏ anĭh vei lăng Trong gre nơnăm dêh char Kon Tum pơm tơngla tơmơ̆t jên jang.

Tơblơ̆ nơ̆r: Amazưt