Kiơ̆ tơbăt, akŏp tơmam drăm lơ̆m pơlei tơm (GRDP) kơ Hơnih chŏh jang sa pơlei tơm HCM sơnăm 2022 iŏk đei vă jê̆ 8.400 ti hlak jên, tŏk 3,74% pơtêng hăm sơnăm hơdrol. Kơ jă tơmam drăm pơm tơlĕch iŏk đei vă jê̆ 13.000 ti hlak jên.

Tơdrong akŏp kiơ̆ trong chŏh jang sa tơring kơdrơ̆m đei jang ‘lơ̆ng mă lei tim mă trŏ lăp hăm hơpơi ‘mĕh vă. Kiơ̆ đơ̆ng ƀok Võ Văn Hoan, Kơ iĕng Kơdră chĕp pơgơ̆r Dơnŏ anĭh vei lăng kon pơlei kơ pơlei tơm HCM, hơnĭh jang chŏh jang sa pơlei tơm kăl lăng hơdăh lơm dôm tơdrong jang tim mă ‘lơ̆ng,kăl iung jang ‘lơ̆ng hlŏh dơ̆ng găh hơdrech, yŏng kon tơrong. ‘Ngoăih akŏm jang kiơ̆ kmăi kmŏk pơjing đei tơmam drăm chŏh jang sa tơring kơdrơ̆m, ‘nŏh tơplĭh mĭnh ƀar trong tơƀô̆h tơbăt dôm tơdrong kăp gĭt tơmam drăm ... Vă jang kĕ đei tơdrong au, hơnĭh vei lăng chŏh jang sa pơlei tơm HCM mư̆h tơlĕch iung jang kăl tơklep hăm trong jang tơgŭm djru hơnih mơdro sa, kon pơlei chŏh jang sa.