Thủ tướng Phạm Minh Chính ‘nao đei tơchơ̆t găh tơdrong tơgŭm jên hăt hot ăn dôm dêh char Thái Nguyên, Cao Bằng, Lạng Sơn păng Bắc Ninh hơmet pơ ‘lơ̆ng hiong răm đơ̆ng ‘mi tih đak lơ̆p. Tơchơ̆t tơgŭm 140 ti hlak jên đơ̆ng jên mong hiă Trungg ương sơnăm 2025 ăn kơ 4 tơring vă tơgop dŏng tơgŭm kon pơlei păng yak blŭng hơmet pơ ‘lơ̆ng hiong răm đơ̆ng ‘mi tih đak lơ̆p (Thái Nguyên 50 ti hlak jên, Cao Bằng 30 ti hlak jên, Lạng Sơn 30 ti hlak jên păng Bắc Ninh 30 ti hlak jên) nhen athei đơ̆ng Anih tơm vei lăng Jên hu.

Thủ tướng pơjao kơ Anih vei lăng kon pơlei dôm dêh char: Thái Nguyên, Cao Bằng, Lạng Sơn păng Bắc Ninh pŭ hơnăp jang vei lăng, iŏk yua kơsô̆ jên tơmơ̆t dơ̆ng ‘nao tơroi, vei sơđơ̆ng ƀlep tơdrong hơgăt đơ̆ng khôi luơ̆t găh jên jang teh đak păng dôm hla ar khôi luơ̆t nai đei ƀơm truh, vei sơđơ̆ng ƀlep tơdrong iŏk yua, ƀlep bơngai, tơpăt, rơđăh, ưh kơ lê̆ hiong, ưh kơ ‘lơ̆ng đei ƀôh.