VOV4. Bahnar - Năr 13/5, tơ̆ pơlei tơm Buôn Ma Thuột, Dơnŏ anĭh tơm vei lăng Chŏh jang sa păng Atŏk tơ iung tơring tơrang jang hơdoi hăm Dơnŏ anĭh vei lăng kon pơlei dêh char Dak Lăk pơgơ̆r pơm lêh iung jang Giĕng lêh Tĕh đak đak sŏ nhă rơgŏh păng vei lăng cham char sơnăm 2022. Hăm hơnăn “Vei lăng, bơ̆ jang, iŏk yua ‘lơ̆ng hơnĭh jang pơtrŭh đak păng vei lăng rơgŏh tơring tơrang”.

Rup pơgơ̆r pơm lêh iung jang

Giĕng Lêh tĕh đak đak rơngŏh păng vei lăng cham char sơnăm au vă atŏk hlôh vao, iung jang kiơ̆ kơtang đơ̆ng ŭnh hnam, kon pơlei pơla păng khŭl kơdră tơring lơ̆m vei lăng iŏk yua, chĕp pơgơ̆r hơnĭh pơtrŭh đak păng vei lăng rơgŏh tơring tơrang sơđơ̆ng, kơ jăp vă vei lăng jơhngơ̆m pran jăng grăng akau, tang găn jĭ jăng, atŏk hlô̆h vao lơ̆m erĭh sa, lăng trŭh trong tơlĕch jang atŏk tơ iung kơ jăp ‘lơ̆ng. Kiơ̆ chĭh jô̆, kon pơlei iŏk yua đak rơgŏh ‘lơ̆ng lơ̆m tĕh đak jơnei 90%; 96% hnam trương hŏk, hnam pơgang đei hơnĭh pơtrŭh đak rơgŏh ‘lơ̆ng.

Tơblơ̆ nơ̆r: Amazưt