VOV4. Bahnar - Pơgê năr 28/3, tơ̆ dêh char Vĩnh Phúc, Trung ương Đoàn Hơdrŭh tơdăm Kŏng san Hồ Chí Minh pơgơ̆r Pơm lêh tơlĕch jang kiơ̆ Sơnăm sơđơ̆ng trong nơnăm sơnăm 2022.

Pơlêh tơlĕch jang Sơnăm sơđơ̆ng trong nơnăm

Hăm hơnăn “Kơ yuơ jơhngơ̆m pran jăng grăng akau kơ bơngai rok trong glung”, rim hơnĭh Đoàn, Hô̆i, Đô̆i lơ̆m tĕh đak gô tơlĕch lơ tơdrong jang băt vao găh yak tơ̆ trong, sơđơ̆ng trong nơnăm tơ̆ rim “Hơnĭh ngăl đei gre tơtơ̆m hơlŭk”, vang tơ iung pơjing ming man trong nơnăm. ‘Ngoăih kơ ‘nŏh Trung ương Đoàn hơdrtŭh tơdăm Kŏng san Hồ Chí Minh gô iung jang hơdoi hăm Dơnŏ anĭh vei lăng Sơđơ̆ng Trong nơnăm tĕh đak tơlĕch rim tơdrong jang tĭh nhen Năr lêh “Hơdrŭh tơdăm hăm yak trong glung ‘lơ̆ng hơ iă”, Pơma dơnŭh “Hơdrŭh tơdămhăm tơdrong yak trong glung ‘lơ̆ng hơ iă”, Hop akŏm “Kơdră chĕp pơgơ̆r sơnăm mơlô̆h hăm sơđơ̆ng trong nơnăm”, ‘Măng pơlong “Jang kiơ̆ kmăi kmŏk lơ̆m bơ̆ jang vei lăng Sơđơ̆ng trong nơnăm”. Lăp đơ̆ng rŏng Pơm lêh tơlĕch jang, pơrô̆ pơrôp, dang 1.000 ‘nu bơngai jang đoàn, hơdrŭh tơdăm dêh char Vĩnh Phúc hlôi pơgơ̆r iung yak pơrô̆ tơbăt găh sơđơ̆ng trong nơnăm; vang năm hop akŏm pơma dơnŭh “Tơdrô, hơlăk ƀier păng sar bar trong nơnăm”.

Tơblơ̆ nơ̆r: Amazưt