Sơnăm ou, 100 ‘nu bơngai mơdro sa sơnăm mơlôh đei pôk pơ ư, lơ̆m ou 10 ‘nu bơngai gơh hơgei hloh iŏk đei Tơmam hơpăh Sao Đỏ - hơnăn pôk bơnê tơƀôh hơdăh hôn bơnê tơplih ‘nao tơchăr, chĕp pơgơ̆r gơh hơgei păng tơgop kơtang lơ̆m tơpôl. Mă kăl, Jơnum hơlen hlôi drơ̆ng mĭnh nơ̆r apĭnh, athei Trung ương Jơnŭm khul hơdruh tơdăm Việt Nam hơlen pôk ăn hơnăn Sao Đỏ sơnăm 2025 ăn 1 ‘nu bơngai mơdro sa hơdrin yak hloh tơdrong mơmat tat vă đei tơdrong hơrih sa atŏk tơ iung, jang sa đei iŏk yoa kơjăp păng tơgop kơtang ăn tơpôl. Rim hơnih mơdro sa găh TOP100 đei akŏp mŭk drăm vă jê̆ 3 triu ti hlak jên, jang sa iŏk đei hloh 310.000 ti hlak jên, thuê̆ ăn hơnih mong jên jang teh đak vă jê̆ 21.000 ti hlak jên păng pơjing tơdrong jang ăn 60.000 ‘nu bơngai jang. Dôm kơsô̆ ou hơnơ̆ng tơƀôh hơdăh hơnăp jang pơm jŭk yŭk trong hơlou đơ̆ng khul mơdro sa sơnăm mơlôh lơ̆m lơ tơdrong jang tơm nhen jang kmăi kmŏk pơm tơlĕch tơmam drăm, jên hu-hơnih mong jên, ŭnh hơyuh, logistics, kmăi kmŏk, pơtho pơhrăm, tơmam drăm yoa păng tĕch răt teh hnam ‘lơ̆ng.