“Ưh kơ lăp đon kơdră chĕp pơgơ̆r bơ̆ jang kiơ̆ kơ bruh, pơma lơ jang tŏ sĕt, pơm găn ga tơdrong atŏk tơ iung kơ teh đak.” ‘Nou nơ̆r pơma hơdăh đơ̆ng Tổng Bí thư Tô Lâm, tơ̆ hop akom trư̆k tuyên hop akom pơtôch blŭng a jang kiơ̆ Tơdrong tơchơ̆t 57 kơ Hơnih tơm Chinh trĭ găh tơplih 'nao tơchăr pơgơ̆r năr 15/10. ‘moi kiơ̆ dôm nơ̆r tơgop pơma dơnuh, apĭnh, athei, Tổng Bí thư Tô Lâm pơma hơdăh jơhngơ̆m đon, tơdrong tơlĕch jang kiơ̆ Tơdrong tơchơ̆t 57 ‘noh yak tơm vă jang kiơ̆ jơnei rim trong tơlĕch jang kăl, tơplih trong atŏk tơ iung teh đak, sơkơ̆t hơdăh trong tŏk mŭk drăm ‘nao kơ teh đak. Tổng Bí thư athei, rim hơnih tơm, hơnih jang, tơring kăl iŏk tơdrong hơmet pơ ‘lơ̆ng tơhlăk tơhlĭn jing tơdrong jang tŏk kơtang; pơchoh trong ‘lơ̆ng khul jang tơpôl ăn atŏk tơ iung khoa hok, kmăi kmŏk, tơplih ‘nao tơchăr, kiơ̆ trong “Dôm tơdrong jang yă kiơ mă hơnih jang kơ kon pơlei jang gơh ưh kơ lơ̆m hơnăp jang kơ Teh đak ‘noh pơjing rơvơn, pơtrŭt ăn khul kon pơlei iung jang”. Tơdrong tơm ‘noh kăl lăng tơdrong lăp đon păng tơdrong lui yom kơ kon pơlei păng hơnih mơdro sa pơm ‘long pơtŏ; kăl tơlĕch jang kiơ̆ kơtang hăm kmăi kmŏk lơ̆m iung jang bơ̆ jang pơm hla bơar "mĭnh ‘măng-mĭnh ‘măng tơbăt” lơ̆m hơnih chih răk kơ teh đak.