Iung pơma pơtôch, Tổng Bí thư, Kơdră chĕp pơgơ̆r Teh đak pơma hơdăh tơdrong jang y hŏk cổ truyền teh đak bơ̆n ưh khan lăp lăng truh ming hơmet jĭ mă oei lăng kăl pơhrăm jơhngơm pran, pơm pơ ‘lơ̆ng pham kơdou păng pơm hơtŏk kĕ pơm pơ ‘lơ̆ng ăn jơhngơ̆m jăn. ‘Nou jĭ trong tôch tơhlep hăm tơdrong jang y hŏk chăl hle, lăng kon bơngai tơm hloh lơ̆m vei lăng năng tông jơhngơm jăn. Tổng Bí thư, Kơdră chĕp pơgơ̆r teh đak athei hơnih jang pơgang kăl đei trong tơchĕng hle, lăng truh tơdrong hle păng tơdrong jang ‘nao lơ̆m atŏk tơ iung y hŏk cổ truyền; kiơ̆ yok dôm tơdrong gơh ơgei y hŏk hơdrĕch hơdrung ‘moi kiơ̆ lơ̆m bơ̆ jang khoa hŏk-kmăi kmŏk gơh jơgei. Adoi kăl tơlĕch atŏk tơ iung y học cổ truyền lơ̆m tơdrong jang kăl atok tơ iung teh đak, tơhlep hăm trong atŏk tơ iung kon bơngai Việt Nam, vei lăng năng tông jơhngơ̆m jăn kon pơlei, kmăi kmŏk pơgang păng mŭk drăm jơhngơ̆m pran teh đak.