Rim kơdră tang măt drơ̆ng mĭnh nơ̆r sơkơ̆t hơdăh bơ̆ jang tơ iung pơjing Đảng, chĕp pơgơ̆r păng kang ƀô̆ lơ̆m chăl ‘nao jĭ tôch gĭt kăl hăm tơdrong kĕ chep pơgơ̆r păng jơnei tơdrong jang kơ khul chinh trĭ. Pơma pơtôch jơ bơ̆ jang, Tổng Bí thư, Kơdră chĕp pơgơ̆r teh đak pơma hơdăh, 7 tơdrong jang tơm akŏm tơlĕch jang kiơ̆, hăm trong tơlĕch ăn tơ iung pơjing Đảng ưh khan lăp rơgoh ‘lơ̆ng, pran kơtang mă oei đei hloi jơhngơ̆m nuih, gơh hơgei, đei yom kơtang păng kĕ chĕp pơgơ̆r teh đak lơ̆m chăl ‘nao. Mă kăl, kăl tơplih ‘nao kơtang trong chĕp pơgơ̆r đơ̆ng Đảng, hơmet pơ ‘lơ̆ng dôm tơdrong tim mă ‘lơ̆ng, tim mă gơh hơgei lơ̆m iung jang kiơ̆ tơ̆ lơ kâp, hơnih jang păng tơring. Dôm tơdrong jang kăl đei hơlen hơdăh hăm jang keh đang; pơjao tơdrong jang tơklep hăm pơjao gơh jang, khul jang păng tơdrong jang kiơ̆, adoi atŏk kơtang dăr lăng hơlen hơnăp jang tơklep hăm pôk hơpăh păng tơbrar.