Pơma pơtôch hop akŏm Tổng Bí thư, Kơdră chĕp pơgơ̆r teh đak Tô Lâm pơma hơdăh hơnăp jang kăl kơ Hơnih bơ̆ jang ăn Kơdră chĕp pơgơ̆r teh đak lơ̆m pơchoh trong pơvih pơvăn ăn rim Kơdră chĕp pơgơ̆r Teh đak păng Kơ iĕng Kơdră chĕp pơgơ̆r Teh đak; adoi hôn bơnê kơtang tơdrong bơ̆ jang kơ Hơnih bơ̆jang ăn Kơdră chĕp pơgơ̆r teh đak lơ̆m khei năr ou ki, mă kăl ‘noh tơdrong jang pơchoh trong roi năr rtoi ‘lơ̆ng hơ iă, trŏ lăp hăm tơdrong jang đei pơjao, tơƀôh hơdăh hơnăp jang tơnăp păng bơ̆ jang ‘lơ̆ng đơ̆ng sơ̆ kơ Hơnih jang ou. Pơma hơdăh tơdrong pơkoel roi năr roi kơtang lơ̆m chăl ‘nao, Tổng Bí thư, Kơdră chĕp pơgơ̆r Teh đak athei, Hơnih bơ̆ jang ăn Kơdră chĕp pơgơ̆r Teh đak akŏm jang 8 tơdrong tơm, sơkơ̆t hơdăh kiơ̆ rim tơdrong jang ‘noh jĭ bơ̆ jang tĕnh koăng, trŏ ƀlep ưh kơ lê̆ đei tơdrong glăi, ƀlep hăm hơnăp jang, bơ̆ jang jơnei ‘lơ̆ng.