Iung pơma tơ̆ jơ bơ̆ jang, sơđơ̆ng dơ̆ng kơjăp tơpôl hlôi ƀôh hơdăh hơnăp jang, hơnih dơ̆ng kăl kơ bơ̆ jang kih thuơ̆t, bơ̆ jang, đei ‘măng tơdrong jang ou jing kăl hloh; mă kăl, dôm sơnăm tơjê̆ ou, bơ̆ jang kih thuơ̆t tơdrong jang đei hơyak kăl kiơ̆ trong tơplih ‘nao, gơh hơgei, tôm tong hloh, Hơnih ưh khan lăp hơdrin vang iung jang iŏk đei jơnei lơ̆m rim tơdrong jang năm tơchă rôp mă oei iung jang hơdoi vei lăng năng tông tơdrong pơm tơm teh đak, pơm tơ-‘ngla rơvơ̆ng plĕnh, vei lăng sơlam teh đak ‘moi kiơ̆ rim trong bơ̆ jang kih thuơ̆t păng pơvih pơvăn ăn tơdrong atŏk tơ iung mŭk drăm tơpôl kơ teh đak. Tổng Bí thư, Kơdră chĕp pơgơ̆r Teh đak Tô Lâm athei, pơih să bơ̆ jang kih thuơ̆t, tơdrong bơ̆ jang lơ̆m tơdrong jang hle vă kĕ tang găn kĕ dôm tơdrong pơm pơrăm sơđơ̆ng păng atok kơtang kĕ vei lăng năng tông sơđơ̆ng ăn teh đak.