Pơma pơtôch ‘măng hop akom, Tổng Bí thư, Kơdră chĕp pơgơ̆r Teh đak sơkơ̆t hơdăh, tơdrong pơjing Tơdrong tơchơ̆t 36 ‘noh jĭ trong tơlĕch jang trŏ lăp hloh, hơnhăk đei trong jang kăl, tơgop kơtang lơ̆m jơhngơm đon hlôh vao găh hơnih dơ̆ng, hơnăp jang kơ đak dơsĭ; pơm pơkeh dar deh rim tơdrong tơchơ̆t, trong jang; pơtrŭt kơtang atŏk tơ iung rim tơdrong jang mŭk drăm đak dơsĭ, atŏk kơtang trong nơnăm tơter đak dơsĭ, hơmet pơ ‘lơ̆ng tơdrong hơrih sa kon pơlei păng hơmet pơ ‘lơ̆ng vei lăng sơđơ̆ng teh đak, jang tơbôl, vei lăng năng tông pơm tơngla đak dơsĭ, achon đak dơsĭ. Mă lei, mŭk drăm đak dơsĭ oei tim mă atŏk tơ iung tơgăl hăm tơdrong đei păng tơdrong ‘meh vă atŏk tơ iung teh đak. Tổng Bí thư, Kơdră chĕp pơgơ̆r teh đak athei chă tơchĕng tơ iung pơjing tơdrong tơchơ̆t ‘nao kơ Trung ương găh đak dơsĭ, pơjing hơyak atŏk kơtang găh jơhngơ̆m đon tơchĕng, trong tơchơ̆t păng trong atok tơ iung, trŏ lăp hăm tơdrong ‘meh vă atŏk tơ iung lơ̆m chăl hle.