Tổng Bí thư, Kơdră chĕp pơgơ̆r Teh đak Tô Lâm vang năm păng iung pơma tơ̆ Hop akom. Tơ̆ Hop akŏm, Thủ tướng Teh đak Lê Minh Hưng đŏk tơbăt dôm tơdrong găh jang mŭk drăm-tơpôl, bơ̆ jang tơ iung pơjing Đảng 6 khei blŭng sơnăm păng tơdrong jang kăl lơ̆m khei năr kơnh. Rim kơdră tang măt tơgop lơ nơ̆r găh tơ iung pơjing Đảng, pơm pơkeh khul bơ̆ jang, atŏk tơ iung teh đak păng vei lăng năng tông tơdrong hơrih sa kơ kon pơlei. Tổng Bí thư, Kơdră chĕp pơgơ̆r Teh đak Tô Lâm hôn bơnê kơtang dôm tơdrong tơgop đơ̆ng rim kơdră so chĕp pơgơ̆r Đảng, Teh đak; adoi pơma hơdăh athei hơnơ̆ng vei kơjăp tơgoăt pôm nơ̆r ƀơ̆r đon, lăp mĭnh jơhngơ̆m, atŏk kơtang kĕ chep pơgơ̆r, tơ iung pơjing khul chĕp pơgơ̆r kơtoei gơh hơgei, pran kơtang, jơnei. Tổng Bí thư, Kơdră chĕp pơgơ̆r Teh đak sơkơ̆t hơdăh, tơdrong pôk bơnê tơgăl hloh hăm rim jơhnơr hơdrol ‘noh hơnăp jang păng iung jang kơtang đơ̆ng rim jơhnơr dang ei, tơgop jang kiơ̆ jơnei Tơdrong Tơchơ̆t Hop akŏm tih jăl XIV kơ Đảng.