Hop akom hôn bơnê kơtang dôm tơdrong jơnei mă khul Kŏng ang kon pơlei iŏk đei lơ̆m khei năr ou ki, sơkơ̆t hơdăh ‘nou jĭ khul hlôi tơgop gĭt kăl hloh lơ̆m tơdrong iŏk đei jơnei atŭm kơ lơ̆m teh đak. Tổng Bí thư, Kơdră chĕp pơgơ̆r teh đak pơma hơdăh, đơ̆ng blŭng sơnăm 2026 truh dang ei, Đảng ủy Kŏng an Trung ương hơnơ̆ng kiơ̆ yok rok jơ̆ng jơhngơ̆m đon mĭnh jơhngơ̆m đon kiơ̆ Đảng, lăng tông kon pơlei, atok kơtang bơ̆ jang ‘lơ̆ng pơchoh trong păng tơlĕch jang kiơ̆ jơnei rim tơdrong jang kăl. Găh bơ̆ jang tơm 6 khei hơtuch sơnăm, Tổng Bí thư, Kơdră chĕp pơgơ̆r Teh đak Tô Lâm pơma hơdăh mĭnh ƀar tơdrong, lơ̆m ou, tơlĕch jang kiơ̆ kơtang vei lăng năng tông sơđơ̆ng teh đak kiơ̆ trong ƀlep trong jang đơ̆ng Đảng, pơih să hơnih vei lăng năng tông, atŏk kơtang khul jang gơh hơgei, vei kơjăp sơđơ̆ng teh đak lơ̆m dôm tơdrong. Akŏm pơchoh trong tơ iung pơjing tơpôl jang kiơ̆ kơjăp, sơđơ̆ng, gơh hơgei, trŏ lăp, atŏk tơ iung. Hơnơ̆ng sơkơ̆t hơdăh hơnăp jang pơm jŭk yuk trong hơlou lơ̆m jang kiơ̆ Tơdrong tơchơ̆t kơsô̆ 57 đơ̆ng Hơnih tơm Chinh trĭ găh atŏk kơtang atok tơ iung khoa hok kmăi kmŏk, tơplih ‘nao tơchăr păng tơplih kơsô̆.