Tổng Bí thư, Kơdră chĕp pơgơ̆r Teh đak Tô Lâm vang năm pơm lêh, pôk ăn hla bơar tơchơ̆t, pơkao păng pôk tơmam drăm ăn 34 đang viên kră. Iung pơma tơ̆ pơm lêh, Tổng Bí thư, Kơdră chĕp pơgơ̆r Teh đak sơkơ̆t hơdăh ‘nou jĭ tơdrong hôn bơnê đơ̆ng Đảng hăm tơdrong hơdrin, plang jơhngơ̆m đon đơ̆ng rim đang viên; adoi sơkơ̆t hơdăh bơngai đang viên kŏng san kăl hơrih sa ‘lơ̆ng, lăng kơjăp hăm Đảng, Teh đak păng Kon pơlei. Ƀlep lơ̆m jơ ‘năr ou, Đang ƀô̆ Hà Nội đei hloh 8.500 đảng viên đei sơng iŏk Huy hiệu Đảng, lơ̆m ou đei lơ ƀok yă iŏk đei Huy hiệu đơ̆ng 70 sơnăm jang Đảng năm tơ̆ đunh. Tổng Bí thư, Kơdră chĕp pơgơ̆r Teh đak pơma hơdăh, ‘nou jĭ tơdrong hưch hanh hơmanh bơnê tih tên đơ̆ng Đang ƀô̆ Hơnih tơm, adoi jei tơlĕch ăn hơnăp jang roi năr roi kơtang lơ̆m tơ iung pơjing Đảng păng atŏk tơ iung teh đak.