Pơma ah jơ pơm jang, Tổng Bí thư, Kơdră teh đak bơ̆n bơnê kơ tơchơ̆t hơnhăk Hŏk viê̆n truh sơnăm 2030 tơmơ̆t lơ̆m grŭp 5 hnam trưng gơh hơgei gah pơtho trong pơm jang 'nao hơgei tơ̆ Việt Nam, brư̆ brư̆ jing “kơ̆l 'ngok kih thuơ̆t – trong jang 'nao hơgei” kơ khul Kŏng ang kon pơlei.

Tổng Bí thư, Kơdră teh đak bơ̆n pơgơ̆r hăm Hŏk viê̆n akŏm tơplih 'nao tơdrong pơtho pơhrăm; hơtŏk jang hơdah hloh, hơtŏk kơtang tơdrong chă hơlen, iŏk yua trong jang kơmăi kơmŏk hơgei, tơguăt hăm vei sơđơ̆ng tơpôl, tơplih kơmăi kơsô̆ păng pơjing trong jang kŏng ngĭp vei sơđơ̆ng tơpôl.