Pơtôch 'măng hop akŏm, Tổng Bí thư, Kơdră teh đak bơ̆n bơnê kơ sơnong jang tơnăp đơ̆ng rim hơnih jang lơ̆m tơdrong hơmet chih akŏm, tơroi, pơkăp jang; atŭm hăm noh pơgơ̆r pơtoi chih akŏm nơ̆r tơgop, keh đang hla bar pơkăp vei sơđơ̆ng 'lơ̆ng tơdrong jang trŏ tơchơ̆t.

Hăm tơdrong pơkăp jang hơdah dôm trong jang hơtŏk mŭk drăm teh đak kiơ̆ Tơchơ̆t 79 đơ̆ng Hơnih tơm Chinh trĭ, Tổng Bí thư, Kơdră teh đak bơ̆n athei drơ̆ng minh gah tơdrong jang mŭk drăm teh đak nhen minh trong jang đei jên mong, mŭk drăm teh đak, groi teh, cham char, hơnih mong răk kơ teh đak, hơnih jang mŭk drăm teh đak păng dôm tơdrong jang nai. Tơdrong tơm lơ̆m khei năr truh noh hơlen lăng tôm khôi luơ̆t đei tơrĕk, pơklaih dôm tơdrong tơhlăk tăk gah trong pơm jang, hơtŏk đei jơnei tơdrong pơm jang kơ hơnih jang mŭk drăm teh đak păng iŏk sơnong jang tơm kơ mŭk drăm teh đak lơ̆m tơlĕch jang mŭk drăm.