Tơ̆ jơ sơng, Tổng Bí thư, Kơdră teh đak bơ̆n Tô Lâm tơroi, hăm tơchơ̆t hơtŏk tơ-iung kơ chăl jang 'nao, đơ̆ng rŏng kơ Hop akŏm mă 14 kơ Đảng Cộng sản Việt Nam hlôi tơlĕch lơ Tơchơ̆t kăp gĭt păng hơpơi 'meh Đảng Cộng sản Liên bang Nga păng dôm khul  đảng nai kơ teh đak Nga gô pơtoi tơgŭm kơtang, jang atŭm kơjăp hăm Đảng Cộng sản Việt Nam vă hơ-'nhăk tơdrong jang tơbôl kơ 2 Đảng, 2 teh đak tŏk minh hơyak 'nao, roi năr jang roi đei jơnei.

Tổng Bí thư, Kơdră teh đak bơ̆n Tô Lâm lui ngeh tơbôl kơ 2 Đảng gô pơtoi tơgop kăp gĭt lơ̆m tơdrong hơtŏk tơ-iung kơtang, kơjăp kơ 2 teh đak păng hơtŏk tơdrong jang cộng sản păng kŏng nhơ̆n apŭng plenh teh, atŭm hăm noh tơgop kăp gĭt ăn tơdrong rơngei, sơđơ̆ng, hơtŏk tơ-iung kơjăp 'lơ̆ng lơ̆m tơring păng lơ̆m apŭng plenh teh.