Pơma ah jơ tơƀơ̆p, Tổng Bí thư, Kơdră teh đak bơ̆n sơkơ̆t hơdah, Đảng, Teh đak hơnơ̆ng tơrĕk tơgŭm, vei lăng sơnong pơyua kăp gĭt ăn kon pơlei Việt Nam tơ̆ teh đak đe, adoi nhen pơm trong hiôk vă bơngai Việt Nam tơ̆ teh đak đe roi năr roi tơguăt hăm pơlei pơla teh đak.

Hăm pơkăp thoi ou, Tổng Bí thư, Kơdră teh đak bơ̆n Tô Lâm hơvơn kon pơlei bơ̆n tơ̆ teh đak đe pơm kiơ̆ kơjăp Tơchơ̆t kơsô̆ 23 đơ̆ng Trung ương; kơchăng vang jang kơjăp tơdrong jang tơ-iung pơjing, hơtŏk păng vei lăng teh đak đơ̆ng hrôih, đơ̆ng hơtaih. Kon pơlei Việt Nam tơ̆ Nga pơtoi chĕp vei tơdrong tơguăt tơguăl, 'mêm kơ-eng, tơgŭm dih băl; hơdrin jang hơdoi, pơm kiơ̆ tơnăp khôi luơ̆t tơ̆ hơnih hơrih jang xal pơjing minh tơpôl Việt Nam gơh hơgei, hơbĕch hơbal păng vei sơđơ̆ng tơdrong joh ayŏ kơdih.