Sơng Tổng Bí thư, Kơdră teh đak bơ̆n  Tô Lâm atŭm hăm khul kơpal tang măt ăn Việt Nam tơ̆ cham gre păr apŭng plenh teh Canberra đei tang măt ăn Kơdră teh đak Australia Jeff Barnes, tang măt ăn Thủ tướng Australia, Ƀô̆ trưởng pơgơ̆r jang mŭk drăm, Ƀô̆ trưởng pơgơ̆r tơring Tu Australia Madeleine King, Phŏ Kơdră Hơnih jang kơ Thủ tướng păng Jơnŭm pơgơ̆r teh đak Justin Hayhurst, Kơdră jang tang măt ăn teh đak Australia tơ̆ Việt Nam Gillian Bird.

Tơdrong tơm kơ 'măng năm tơmang noh pơtoi hơtŏk đon lui gah jang chĭnh trĭ kơpal hloh, pơjing jơhngơ̆m pran 'nao ăn tơdrong pơm jang đei jơnei  kiơ̆ Tơchơ̆t jang hơdoi tôm tơdrong, atŭm hăm noh sơkơ̆t dôm trong jang hơdoi lơ̆m khei năr truh. 'Măng năm tơmang adoi jing hơyak kăp gĭt gah jăl trong jang tơbôl đei pơkăp ah Hop akŏm bơngai jang tang măt jơ̆p teh đak mă 14 kơ Đảng, tơgop pơm hơdah trong tơchơ̆t hơnhăk tơdrong jang tơbôl kăp gĭt, đei jơnei kơjăp sơđơ̆ng.