Tổng Bí thư, Kơdră teh đak bơ̆n Tô Lâm ră hơdah, tơchơ̆t hăm đảng viên jang mŭk drăm tơ-'ngla jing tơdrong đei jơnei đơ̆ng tơplih đon tơchĕng, pơkăp đơ̆ng tơdrong hơtŏk jang păng nơ̆r pơma xa kơ Đảng. Kơyuơ noh, dôm tơchơ̆t 'nao athei iŏk yua đei dôm tơdrong kăp gĭt păng sek tơlang dôm tơdrong 'nao gah iŏk yua pơgơ̆r jang, asong jang păng sơnong jang kơ đảng viên lơ̆m tơdrong jang mŭk drăm kiơ̆ pơkăp xah hô̆i chu ngia.

Tổng Bí thư, Kơdră teh đak bơ̆n akhan, dôm tơchơ̆t 'nao athei tơgŭm đảng viên sơđơ̆ng pơm jang mŭk drăm trŏ khôi luơ̆t teh đak; tơgŭm ăn hơnih jang Đảng vei lăng tơdrong jang đei; tơgŭm ăn kon pơlei, hơnih jang mŭk drăm lui ngeh lơ̆m tơdrong hơtŏ hơnơ̆ng păng tơpăt jue đơ̆ng jơnŭm pơgơ̆r. Dôm tơchơ̆t 'nao athei tơguăt hăm tơdrong pơm kiơ̆ Tơchơ̆t 12 gah pơ-'lơ̆ng lơ̆m tơdrong jang mŭk drăm tơ-'ngla pơm tơm. Athei hơtŏk đảng viên đơ̆ng bơngai jang mŭk drăm hơgei, atŭm hăm noh lăng truh bơngai jang kih thuơ̆t, kih sư, bơngai jang khua hŏk păng dôm bơngai jang gơh hơgei.