Pơma tơ̆ jơ bơ̆ jang, Tổng Bí thư, Kơdră teh đak Tô Lâm pơma hơdăh 3 tơdrong tih lơ̆m noh athei năng anih jang kơmăy kơmŏk tơ̆ đak dơsĭ kơ teh đak jĭ anih jang gĭt kăl hlŏh vă pơjing Việt Nam jing teh đak đak dơsĭ pran kơtang. ‘Nâu jĭ jơhngâm pran đơ̆ng anih jang, vă pơjing ăn tơdrong jang tŏk mŭk drăm tơ̆ đak dơsĭ, pơgơ̆r hơmet trong yak tơ̆ đak, vei lăng 'lơ̆ng tơdrong sơđơ̆ng teh đak păng hơtŏk jơhngâm pran, đon rơgei vă bơ̆ jang tŏk.

Pơma truh dôm tơdrong jang athei jang ƀât măt dang ei, Tổng Bí thư, Kơdră  teh đak athei, akŏm jơhngâm pơih chơkhoă anih tĕch mơdro, iŏk yoa 'lơ̆ng dôm tơdrong hlôi đei păng sek tơlang 06 tơdrong oei tơhlăk; Anih chĕp kơ̆l Đảng lơ̆m Khul kơdră teh đak athei chĕp kơ̆l pơgơ̆r bơ̆ jang mă 'lơ̆ng, jăh pơjing Tơdrong jang kơ teh đak atŏk tơiung kơmăy pơm ƀato păng jang kơmăy pơyoa ăn tơdrong jang tơ̆ đak dơsĭ truh sơnăm 2035, trong jang truh sơnăm 2050. Găh đunh đai ning mônh, Tổng Bí thư, Kơdră teh đak Tô Lâm athei, tơplih đơ̆ng pơm tơlĕch jing jang kơmăy pơyoa ăn tơdrong jang xa, yak vih vât tơ̆ trong đak dơsĭ, jang hăm kơmăy kơmŏk 'nao, rơgŏh ‘lŏng, kơmăy sô̆, gơ̆h jang kơdih păng kĕ pơjei lơ̆m apŭng plenh teh.