Quốc hội hlôi drơ̆ng nơ̆r ăn Tơdrong tơchơ̆t hơmet ming, chih tơmât dơ̆ng 1,2 tơdrong lơ̆m Khôi luơ̆t tơm sơnăm 2013, atŭm hăm ‘nŏh hơmet ming lơ tơdrong kăl ƀơm truh khul kơdră chĕp kơ̆l pơgơ̆r teh đak. Dôm hla ar chih luơ̆t đei chih hơmet tơtom, tơdrong jang kiơ̆ trong jang ‘nao blŭng a tam mă ƀôh tơdrong tơhlăk tih.

Tổng Bí thư, Kơdră teh đak pơma hơdăh, athei hơnơ̆ng hơmet pơ ‘lơ̆ng trong pơgơ̆r jang, chih tơlĕch dôm trong sek tơlang rim tơdrong ‘nao đei. Atŭm hăm ‘nŏh, athei hơlen năng tơ̆ yăn âu mưh jang kiơ̆ tơ̆ tơring, mă loi ‘nŏh tơ̆ xăh đơ̆ng rŏng kơ tơmât hơdoi, tơtom hơmet pơ ‘lơ̆ng dôm tơdrong pơmat tat găh ƀiên chê̆, tơdrong rơgei, jang gơ̆h đơ̆ng kăn ƀô̆, tơdrong kăl vă klăih song hơnăp jang, veh ver tơdrong klăih song tơdrong jang bơih mă lei ưh đei bơngai jang.