Tơ̆ jơ bơ̆jang, Tổng Bí thư, Kơdră teh đak Tô Lâm pơma hơdăh, ming man anih jang kăl ‘noh jĭ tơdrong gĭt kăl, đei tơdrong ‘lơ̆ng đunh đai păng kơtă pơjing hơnih hơtŏk tơiung, hơtŏk ‘lơ̆ng tơdrong kĕ pơjei păng pơm tơdrong ‘lơ̆ng vă hơnhăk Việt Nam jing teh đak pơdrŏng lơ̆m sơnăm 2045. Tổng Bí thư, Kơdră teh đak pôk pơ ư dôm jơnei gĭt kăl mă Khŭl kơdră teh đak, dôm Anih tơm, anih jang, tơring hlôi iŏk đei lơ̆m hơtŏk tơiung anih jang kăl dôm sơnăm âu ki, tơgop hơmet pơ ‘lơ̆ng lơ tơdrong tơhlăk păng pơih să hơnih hơtŏk tơiung.

Mă lei, hơdai hăm dôm jơnei, anih jang kăl hrei ‘nâu oei tam mă pơm lăp hăm ‘meh vă jang tŏk 2 kơsô̆ păng tơdrong hơgăt jing teh đak iŏk yua lơ. Tổng Bí thư, Kơdră teh đak Tô Lâm pơih ăn lơ hơnăp jang tơm păng tơƀôh hơdăh, lơ̆m jăl trong hơtŏk tơiung ‘nao, anih jang kăl athei pơ̆n iŏk jang 1 hơnăp jang tih hloh: pơm tơiung 1 tơdrong jang pơm tơlĕch ‘nao, hơtŏk ‘lơ̆ng iŏk yua păng pơm tơ ‘ngla kơmăy kơmŏk, hơtŏk jơhngơ̆m tơjră pŭ păng pơih đei hơnih hơtŏk tơiung ‘nao ăn teh đak.