‘Nâu jĭ ‘măng năm ngôi mă blŭng đơ̆ng bơngai chĕp kơ̆l Đảng, teh đak Việt Nam truh tơ̆ Thái Lan đơ̆ng rŏng Hop akŏm XIV kơ Đảng păng đơ̆ng rŏng kơ khŭl kơdră chĕp kơ̆l ‘nao kơ Việt Nam đei hơmet tôm. Kăl kơ lăng truh, Thái Lan jĭ teh đak ASEAN mă blŭng đei Tổng Bí thư, Kơdră teh đak rơih iŏk năm ngôi lơ̆m tơdrong jang tơbôl tih tơ̆ tơring.

‘Măng năm ngôi pơgơ̆r lơ̆m sơnăm 2 teh đak tơbăt 50 sơnăm pơjing tơdrong pơvei jang tơbôl păng lăp đơ̆ng rŏng kơ Việt Nam - Thái Lan hơtŏk tơdrong pơvei Jang hơdai gĭt kăl tôm tong lơ̆m khei 5/2025. ‘Măng năm ngôi, bơ̆jang đei hơmĕng pơm tơdrong ‘lơ̆ng ‘nao pơtrŭt jang hơdai 2 pang roi ‘năr roi ‘lơ̆ng, jrŭ să, tơgop ‘lơ̆ng lơ̆m tơdrong rơngei, sơđơ̆ng păng hơtŏk tơiung kơ tơring ASEAN.