Pơtôch jơ bơ̆jang, Tổng Bí thư, Kơdră teh đak pơma hơdăh kăl kơ drơ̆ng nơ̆r hlôh vao lơ̆m pơđĭ khŭl jang chĭnh trĭ hăm kơmăy kơmŏk ‘noh jĭ tơdrong gĭt kăl kơ teh đak, athei đei tơlĕch lơ̆m akŏm đĭ đăng tơlĕch jang tơdrong tơchơ̆t 57 đơ̆ng Anih tơm Chĭnh trĭ păng tơdrong jang hơtŏk tơiung teh đak jăl jang ‘nao, tơklep hăm vei sơđơ̆ng teh đak, kơsô̆ chih răk kơ teh đak, kơmăy kơmŏk bán dẫn păng kơmăy gơh hơgei.

Tổng Bí thư, Kơdră teh đak athei dăr hơlen tôm tong rim tơdrong jang kơtơ̆ng ang gĭt kăl kơ Đảng, Teh đak, khŭl lĭnh, sơđơ̆ng, anih mong jên, ŭnh hơyuh, viễn thông… vă pơjing trong jang tơplih trŏ lăp, kơchăng đơ̆ng hrôih, đơ̆ng hơtăih; hơdai hăm akŏm tơmơ̆t jên jang tơm, veh ver pơ ‘yoi, yak truh pơjing dôm hơnih jang tơchĕng hơlen pran păng lăm pơlong lăng tơm.