Pơma pơtôch hop akŏm, Tổng Bí thư, Kơdră teh đak Tô Lâm akhan, blŭng a gơh ƀôh bơ̆n hlôi tơlĕch jang đei lơ tơdrong jang tih, athei jang mă ‘lơ̆ng, mă lei tơdrong iŏk đei ‘nao lăp hơyak blŭng a đĕch, tơdrong jơnei đơ̆ng hơmet ming, tơmât hơdai ưh tam gơ̆h akhan sư jĭ tơdrong jơnei lơ̆m tơdrong pơgơ̆r jang hloi bơih.

Yoa thoi noh, Tổng Bí thư, Kơdră teh đak Tô Lâm athei, đơ̆ng dang ei năm tơ̆ hơnăp athei tơplih ming tơdrong jang đơ̆ng hơmet ming jing pơgơ̆r bơ̆ jang mă ‘lơ̆ng; đơ̆ng vei sơđơ̆ng khul jang jing pơm hơtŏk tơdrong rơgei ‘lơ̆ng mưh vei lăng, đơ̆ng klăih song hơnăp jang jing pơm ‘lơ̆ng ăn tơdrong rơgei, gơ̆h jang kiơ̆. Tổng Bí thư, Kơdră teh đak Tô Lâm tơtă, ƀât hơnăp dang ei ‘nŏh athei jăh sek tơlang hloi dôm tơdrong oei tơhlăk ‘nao đei tơ̆ yăn  âu, đơ̆ng noh hơmet pơ ‘lơ̆ng hla ar chih tơroi kiơ̆ trong pơm hơtŏk hlŏh dơ̆ng nơ̆r tơblang, tơdrong đei tơ̆ yăn âu păng tơdrong ‘lơ̆ng lăp.