Pơma pơtôch hop akŏm, Tổng Bí thư, Kơdră teh đak Tô Lâm, Bí thư Quân ủy Trung ương chih iŏk, lăng 'lơ̆ng jơnei iŏk đei lơ̆m jăl khei mă III, lơ̆m noh Quân ủy Trung ương hlôi chĕp kơ̆l đĭ đăng khul linh pơm kiơ̆ tơpăt tơdrong chĕp kơ̆l pơgơ̆r đơ̆ng Đảng, Teh đak, hơtŏk tơdrong juăt 'lơ̆ng păng jơhngâm đon “Ƀô̆ đô̆i Ƀok Hô”, pôm ƀơ̆r đon, yak hlŏh rim tơdrong mơmat tat, tơlĕch jang kiơ̆ tôm tơdrong jang khul linh, vei lăng teh đak.

Pơma hơdăh, jăl khei mă IV jĭ khei 'năr tôch gĭt kăl tơchơ̆t truh pơtôch jang đang hơnăp jang sơnăm 2026, Tổng Bí thư, Kơdră teh đak athei Quân ủy Trung ương kăl akŏm chĕp kơ̆l pơgơ̆r tơlĕch jang kơtang dôm trong jang, khŏm jang đang tôm dôm tơdrong hơgăt, hơnăp jang sơnăm 2026 hăm iŏk yua 'lơ̆ng hlŏh. Hơnơ̆ng chĕp kơ̆l đĭ đăng khul linh kơchăng, hơbĕch hơbal, băt hơdăh, tơdra hơdrol, lăng hơlen ƀlep tơdrong, jang keh đang 'lơ̆ng tơdrong jang tơgŭm hăm Đảng, Teh đak iung jang hơmet pơ 'lơ̆ng, jơnei rim tơdrong đei ƀôh, ưh kơ lê̆ đei tơdrong ưh kơ tom băt, ưh kơ ê, mă loi ‘noh jĭ dôm tơdrong gĭt kăl, tơdrong sơđơ̆ng tơring sơlam, đak dơsĭ, achon dơsĭ, hơnih mạng.