Tơ̆ pơma điên thoăi, Tổng Bí thư, Kơdră teh đak Tô Lâm pơma hơdăh Việt Nam ling lang lăng kăl tơdrong pơvei tơbôl păng jang hơdai lơ tơdrong jang hăm Thụy Sĩ, ‘meh vă 2 păh hơnơ̆ng jang hơdai kơjăp, tơlĕch jang đei yua păng pơm ‘lơ̆ng hloh dơ̆ng tơdrong Jang hơdai tôm tong đei pơjing lơ̆m khei 01/2025. 2 kơdră chĕp kơ̆l akhan lơ̆m khei ‘năr tơdrong apŭng plĕnh teh hơnơ̆ng đei ƀôh tơplih hrĕnh, krê hơmơt păng ưh kơ ê, 2 teh đak sa roi kăl kơ hơtŏk loi dơ̆ng pơma dơnuh, hơmet ming đon lui chĭnh trĭ păng pơm ‘lơ̆ng hloh dơ̆ng tơdrong pơvei jang hơdai lơ tơdrong.

Găh jang hơdai lơ̆m lơ pang, 2 kơdră chĕp kơ̆l drơ̆ng nơ̆r hơtŏk loi dơ̆ng jang hơdai tơ̆ rim hop akŏm apŭng plĕnh teh păng lơ̆m tơdrong jang Liên hợp quốc vă tơgop hơmet pơ ‘lơ̆ng dôm tơdrong apŭng plĕnh teh vang bơngơ̆t truh kiơ̆ lơ̆m pơyom khôi luơ̆t apŭng plĕnh teh, yua kơ tơdrong rơngei, sơđơ̆ng păng hơtŏk tơiung hơnŭk hơnoa tơ̆ tơring kŭm nhen lơ̆m apŭng plĕnh teh.