Tổng Bí thư, Kơdră teh đak athei Khŭl linh Công an kon pơlei so rim tơring jing hnam hơdai tơpă, mĭnh jơhngâm đon 'mêm băl, tơgŭm băl; vang vei lăng năng tông găh jơhngơ̆m pran, tơdrong arih xa, mă loi hăm bơngai jang lơ̆m khŭl đei tơdrong arih pơmat tat. Khŭl athei hơtŏk hơnăp jang tơm lơ̆m tơdrong đĭ đăng kon pơlei vei lăng sơđơ̆ng Tĕh đak; jang hơdoi hăm khŭl Công an păng khul kơdră pơgơ̆r tơring vei kơjăp, pơtho tơƀôh ăn dôm bơngai ư̆h kơ sơđơ̆ng găh jơhngâm đon, ƀônh pơm tơlĕch dôm tơdrong ưh hơiă lơ̆m tơpôl; hơdai hăm ‘nŏh pơm gơng tơƀưh hơnhăk trong jang, tơdrong tơgŭm, khôi luơ̆t Đảng păng Tĕh đak trŭh hăm kon pơlei.

Tổng Bí thư, Kơdră teh đak oei athei Khŭl lăng kăl tơdrong pơtho tơbăt jơhngâm đon 'mêm kơ tĕh đak, jơhngơ̆m đon kơtang nuih mơng đơ̆ng kăch mang păng tơdrong joăt 'lơ̆ng đơ̆ng Công ang kon pơlei ăn jơhnơr mơlô̆h; hơtŏk đon lui, bưng ai đơ̆ng rim jơhnơr Công ang adrol sơ̆ lơ̆m tơdrong tơiung pơjing tơdrong arih xa 'lơ̆ng, rơgei, vei lăng ‘lơ̆ng tơdrong sơđơ̆ng tơ̆ anĭh oei xa. Anĭh tơm vei lăng Công ang păng Anĭh Trung ương Mặt trận Tổ quốc Việt Nam đei nơ̆r athei tơchĕng hơlen, tơlĕch trong pơgơ̆r jang, tơdrong tơgŭm mă lăp vă Khŭl bơ̆ jang 'lơ̆ng tơdrong jang đei Đảng, Tĕh đak pơjao.