VOV4.Bahnar - ‘Năr brei (30/9), tơ̆ Anih jang kơ Trung ương Đảng, Tổng Bí thư Nguyễn Phú Trọng pơ gơ̆r Hôp Anih tơm Chinh trĭ vă hơ len năng, ki luơ̆t ƀok Bùi Nhật Quang, Kơ dră jang lơ̆m Trung ương Đảng, Kơ dră jang lơ̆m Khul chĕp kơ̆l Đảng ƀô̆ Grŭp dôm anih jang kơ Trung ương, Bí thư Đảng, Kơ dră Anih tơ chĕng hơ len Khoa hŏk tơ pôl Việt Nam.

Ƀok Bùi Nhật Quang – Kơ dră jang lơ̆m Trung ương Đảng

Đơ̆ng rŏng set hơ len nơ̆r athei đơ̆ng Anih Dăr hơ len Trung ương, Anih tơm Chinh trĭ ƀôh: tơ drong pơm glăi đơ̆ng ƀok Bùi Nhật Quang pơm hiong răm tôch dêh, pơm che re lơ̆m anih jang, pơm tơ tŏ đon kăn ƀô̆, đảng viên, ƀơm ưh ‘lơ̆ng truh bưng ai anih jang đảng, Anih tơ chĕng hơ len Khoa hŏk tơ pôl Việt Nam păng kơ dih kâu. Lăng kiơ̆ dôm tơ drong pơm glăi, tơ drong hiong răm, ‘moi kiơ̆ tơ drong hơ găt đơ̆ng Đảng găh ki luơ̆t đảng viên pơm glăi, Anih tơm Chinh trĭ tơ chơ̆t ki luơ̆t kanh kăo hăm ƀok Bùi Nhật Quang. Athei dôm anih jang kơ pal ki luơ̆t ƀok Bùi Nhật Quang mă tơ tom, trŏ hăm ki luơ̆t đảng.

VOV/Dơ̆ng tơ blơ̆