VOV4.Bahnar - Lơ̆m ‘măng năm bơ̆ jang tơ̆ Quảng Ninh, pơgê năr 6/4 Tổng Bí thư Nguyễn Phú Trọng chĕp kơ̆l khŭl bơ̆ jang Trung ương hlôi năm dăr lăng hơlêm jơhngơ̆m đon ăn kang ƀô̆ bơngai jang Kŏng ty Ngar tơmo Vàng Danh – Vinacomin lơ̆m pơlei tơm Uông Bí. 

Lăp đơ̆ng rŏng năm dăr lăng tơdrong erĭh sa kơ kang ƀô̆ bơngai jang tơ̆ Hơnĭh hnam oei akŏm ăn kŏng nhân kơ kŏng ty, pơma dơnŭh hăm kŏng nhân, bơngai jang, Tổng Bí thư Nguyễn Phú Trọng sơkơ̆t hơdăh hơnăp jang kăl păng tơdrong joăt joe kơ kŏng nhân Việt Nam pơma atŭm păng kơ dêh char Quảng Ninh pơma hơdrô̆ đơ̆ng sơ̆ trŭh dang ei tôch nuih mơng pran kơtang lơ̆m rim jăl sơnăm trŭh hloi lơ̆m chăl sơnăm tơblăh vang, lơ̆m chăl sơnăm rơngei hiôk hian păng lơm tơdrong tơ iung pơjing păng vei lăng tĕh đak hrei au. Kiơ̆ đơ̆ng Tổng Bí thư Nguyễn Phú Trọng khŭl kŏng nhân Việt Nam ling lang đei tơdrong kơ dĭh ư̆h khan lăp jing bơngai jang hơgei mă lei oei jing dôm bơngai oei sa ‘lơ̆ng hơ iă, ling lang ‘mêm kơ eng, tơgŭm djru dĭh băl.

Tơblơ̆ nơ̆r: Amazưt