VOV4.Bahnar - ‘Năr 22/7, tơ̆ anih bơ̆ jang Trung ương Đảng, ƀok Tổng Bí thư Nguyễn Phú Trọng pơ gơ̆r hop akŏm Anih tơm Chĭnh trĭ, Ban Bí thư vă set hơ len, pơm kiơ̆ ki luơ̆t: Khŭl kơ dră chĕp kơ̆l Anih jang Đảng dêh char Phú Yên jăl jang 2015 - 2020; Đảng khŭl Jơ nŭm pơ gơ̆r kon pơ lei dêh char Phú Yên jăl jang 2016 - 2021; Khŭl chĕp kơ̆l đảng Anih vei lăng kon pơ lei dêh char Phú Yên dôm jăl jang 2016 - 2021, 2021 - 2026; ƀok Huỳnh Tấn Việt, bơ ngai jang lơ̆m Trung ương Đảng, Bí thư Đảng grŭp rim anih jang Trung ương, sơ̆ pơm Bí thư anih jang Đảng dêh char, sơ̆ pơm Bí thư Đảng khŭl, sơ̆ pơm Kơ dră Jơ nŭm vei lăng kon pơ lei dêh char Phú Yên; ƀok Nguyễn Chí Hiến, sơ̆ pơm Bơ ngai jang lơ̆m Khŭl kơ dră chĕp kơ̆l Anih jang Đảng dêh char, sơ̆ pơm Phŏ Bí thư khŭl chĕp kơ̆l đảng, sơ̆ pơm Phŏ kơ dră Anih vei lăng kon pơ lei dêh char Phú Yên. Dôm tơ drong pơm glăi, ưh kơ ‘lơ̆ng đơ̆ng kơ dră đảng, kơ dră chĕp kơ̆l, dôm bơ ngai ‘nao tơ roi pơm ăn hiong ăn tôch kơ tang pơm kơ nê̆, blĕk kơ đon lơ̆m tơ pôl. Lăng kiơ̆ lơ̆m tơ drong pơm ăn pơm glăi păng hơ găt đơ̆ng Đảng găh ki luơ̆t khŭl jang đảng,  đảng viên pơm glăi, Anih tơm Chĭnh trĭ tơ chơ̆t pơm kiơ̆ ki luơ̆t pơ tho đon kơ dră đảng, khŭl kơ dră chĕp kơ̆l, dôm bơ ngai ‘nao tơ roi păng tơ lĕch Đảng hăm ƀok Nguyễn Chí Hiến.

Thuem: Tơ blơ̆