VOV4.Bahnar - Pơ gê ‘năr 30/6, tơ̆ Anih bơ̆ jang Trung ương Đảng, Anih tơm Chĭnh trĭ, Ban Bí thư pơ gơ̆r Hop akŏm pơ tôch 10 sơ năm bơ̆ jang tang găn  sa pơ gơ̆m pơ jĭp jăl jang 2012 -2022 hăm tơ drong pơ gơ̆r đơ̆ng Tổng Bí thư Nguyễn Phú Trọng, Kơ dră Anih pơ gơ̆r jang Trung ương găh tang găn sa pơ gơ̆m pơ jĭp. Pơ ma pơ gơ̆r tơ̆ hop akŏm, Tổng Bí thư Nguyễn Phú Trọng tơ roi hơ dăh 6 ƀai hŏk gĭt găh tơ drong lý luận păng yan âu; lơ̆m noh kăl athei hlôh vao tôm, ‘lơ̆ng anih dơ̆ng, tơ drong gĭt kăl đơ̆ng tơ drong jang iung jang tang găn sa pơ gơ̆m pơ jĭp tơ lĕch hăm tơ drong chĕp kơ̆l pơ gơ̆r, akŏm, drơ̆ng 1 nơ̆r đơ̆ng Đảng, mă kơ tă, hơ nơ̆ng ‘noh jĭ Anih pơ gơ̆r jang Trung ương găh tang găn sa pơ gơ̆m pơ jĭp găh Anih tơm Chĭnh trĭ.

Tơ roi găh hơ năp jang tơ̆ hơ năp kơnh, Tổng Bí thư Nguyễn Phú Trọng athei, Anih pơ gơ̆r jang Trung ương, rim anih pơ gơ̆r jang kơ dêh char păng rim anih jang lơ̆m Trung ương kŭm nhen tơ ring, kăl hơ nơ̆ng hơ drin lơ hloh dơ̆ng lơ̆m jăl trong tơ plih ‘nao, hơ tŏk ‘lơ̆ng, đei yua tơ drong jang tang găn sa pơ gơ̆m pơ jĭp lơ̆m jăl jang hơ tŏk tơ iung ‘nao.

Thuem: Tơ blơ̆