VOV4.Bahnar - ‘Năr  27/9/2022, tơ̆ Anih jang Trung ương Đảng, ƀok Tổng Bí thư Nguyễn Phú Trọng pơ gơ̆r hop akŏm Ban Bí thư vă set hơ len, pơm kiơ̆ ki luơ̆t đe ƀok: Tô Anh Dũng, bơ ngai jang lơ̆m Khŭl chĕp kơ̆l đảng, Phŏ kơ dră Anih tơm jang tơ bôl; Nguyễn Quang Linh, bơ ngai jang tơ gŭm kơ ƀok Phạm Bình Minh, Bơ ngai jang lơ̆m Anih tơm Chĭnh trĭ, Phŏ Thủ tướng teh đak.Đơ̆ng rŏng kơ set hơ len athei đơ̆ng Anih jang hơ len lăng Trung ương, Ban Bí thư lăng ƀôh: Ƀok Tô Anh Dũng păng ƀok Nguyễn Quang Linh hlôi ưh kơ đei pơ hrăm ming găh jơ hngơ̆m đon ‘lơ̆ng, đon tơ chĕng chĭnh trĭ, trong arih sa; pơm glăi tơ drong hơ găt đơ̆ng Đảng, khôi luơ̆t đơ̆ng teh đak găh tang găn sa pơ gơ̆m pơ jĭp; pơm glăi tơ drong hơ găt găh dôm tơ drong đảng viên ưh kơ gơh kơ pơm păng hơ năp jang tơ ƀôh trong, pơm hiong răm tôch kơ tang, ƀlĕk kơ đon lơ̆m tơ pôl; pơm ƀơm kơ nê̆ truh bưng ai đơ̆ng khŭl jang đảng.Lăng kiơ̆ tơ drong hiong răm, tơ drong tơm pơm ăn pơm glăi; kiơ̆ tơ drong hơ găt đơ̆ng Đảng găh ki luơ̆t đảng viên pơm glăi, Ban Bí thư tơ chơ̆t pơm kiơ̆ ki luơ̆t tơ lĕch Đảng hăm đe ƀok: Tô Anh Dũng, Nguyễn Quang Linh.

VOV-Thuem: Tơ blơ̆