VOV4.Bahnar - Tơ̆ Anih jang kơ Trung ương Đảng, hăm tơ drong pơ gơ̆r đơ̆ng Tổng Bí thư Nguyễn Phú Trọng, Anih tơm Chinh trĭ, Ban Bí thư pơ gơ̆r tơ ƀâp muh măt ƀât blŭng Pơ yan Puih mak Nhâm Dần (2022), ƀlep ƀât tơ băt 92 sơ năm pơ jing Đảng (03/02/1930 – 03/02/2022) hăm hlŏh 250 ‘nu bơ ngai tang măt ‘nŏh jĭ đe Kơ dră chĕp kơ̆l Đảng, tĕh đak, Mặt trận Tổ quốc Việt Nam, dôm ƀok Kơ dră jang lơ̆m lơ̆m Trung ương Đảng dôm jăl adrol sơ̆.

Pơ ma truh tơ drong jang tơ̆ hơ năp kơnh, Tổng Bí thư Nguyễn Phú Trọng pơ ma hơ dăh, sơ năm 2022 ‘nŏh jĭ sơ năm gĭt kăl bơ̆ jang pơ toi dơ̆ng Tơ drong tơ chơ̆t đơ̆ng Hop akŏm bơ ngai tang măt lơ̆m tĕh đak ‘măng mă XIII kơ Đảng păng Trong jang atŏk tơ iung mŭk drăm, tơ pôl 5 sơ năm 2021 – 2025, mă loi ƀât mă apŭng plenh tĕh păng tơ drong lơ̆m tĕh đak hơ dai hăm tơ drong ‘lơ̆ng oei đei hloi lơ tơ drong mơ mat tat, pơ long nol, athei đĭ đăng Đảng, đĭ đăng khul linh, đĭ đăng kon pơ lei đei đon adrin dêh hlŏh dơ̆ng, tơ guăt 1 ƀơ̆r đon, 1 jơ hngâm hơ nơ̆ng đei trong jang trŏ ƀlep hơ nhăk tĕh đak jang tŏk pran kơ jăp; lơ̆m nŏh tôch kăl đei nơ̆r tơ gop tơ păt ‘lơ̆ng đơ̆ng đe kăn ƀô̆h tih lơ̆m Đảng păng tĕh đak lơ̆m rim jăl jang, jĭ dôm bơ ngai sơ̆ hlôi iŏk jang lơ kơ chư̆k gĭt kăl tơ̆ anih jang kơ Trung ương păng tơ ring.

Dơ̆ng: Tơ blơ̆