VOV4.Bahnar - Kơ sơ̆ ‘năr 25/8, tơ̆ Anih bơ̆ jang Trung ương Đảng, Tổng Bí thư Anih chĕp kơ̆l pơ gơ̆r Trung ương Đảng Cộng sản Việt Nam Nguyễn Phú Trọng hlôi pơ ma điên thoăi hăm Kơ dră tơm teh đak In-đô-nê-xi-a, ƀok Joko Widodo. Tổng Bí thư Nguyễn Phú Trọng hlôi hmach chơt hơ iă kơ ƀok Kơ dră tơm găh dôm jơ nei tih tên, lơ tơ drong đơ̆ng In-đô-nê-xi-a, lơ̆m noh đei tơ drong tang găn jĭ hơ buh Covid-19, tơ iung ming hơ tŏk tơ iung mŭk drăm, dôm tơ drong jang tơ bôl ‘lơ̆ng đơ̆ng In-đô-nê-xi-a păng dôm tơ drong hơ drin lơ̆m tơ drong iŏk jang hơ năp jang ‘noh Kơ dră G-20 sơ năm 2022.

Jơ pơ ma điên thoăi đơ̆ng Tổng Bí thư Nguyễn Phú Trọng

Nguyễn Phú Trọng tơ roi 1,2 trong jang tih vă tơ drong pơ vei 2 teh đak hơ tŏk tơ iung pran kơ tang păng ‘lơ̆ng tơ pă hloh dơ̆ng. Tổng Bí thư athei hơ tŏk loi dơ̆ng tơ drong hlôh băt dih băl, lui ngeh chĭnh trĭ ‘moi kiơ̆ tơ ƀơ̆p păng pơ ma dơ nuh kơ dră kơ pal, jang kiơ̆ dôm tơ drong drơ̆ng nơ̆r, hơ tŏk dôm trong jang păng pơ trŭt jang hơ dai lơ̆m tơ drong jang vei lăng sơ đơ̆ng teh đak. Tổng Bí thư kŭm athei 2 păh hơ tŏk pran jang hơ dai mŭk drăm, jang hơ dai kơ jăp lơ̆m dôm tơ drong tơ ring, apŭng plĕnh teh, lơ̆m noh đei tơ drong Biển Đông păng jang hơ dai tơ̆ ASEAN kŭm nhen tơ̆ dôm hop akŏm apŭng plĕnh teh nai.

Thuem: Tơ blơ̆