Anih pơgơ̆r jang hlôi hơlen năng tơdrong jang lơ̆m sơnăm 2022; tơdrong vă jang lơ̆m sơnăm 2023; dôm tơdrong iŏk đei đơ̆ng sek tơlang dôm tơdrong glăi găh Anih pơgơ̆r jang vei lăng, iŏk đơ̆ng hop akŏm mă 21 kơ anih âu truh dang ei.

Tơ̆ jơ hop akŏm, kiơ̆ đơ̆ng pơma nuh, Anih pơgơ̆r jang akhan, sơnăm 2022, tơdrong tang găn xa pơjĭp, pơm glăi hơnơ̆ng tŏk pran, đei hơyak tŏk ‘nao roi ‘lơ̆ng, bơ̆ jang roi kơtang, hrơ̆ch ‘lơ̆ng, tôm tơdrong păng roi đei yoa ƀiơ̆.

Mă loi ‘nŏh tơmât tơdrong tang găn xa pơ jĭp, pơm glăi hăm tơdrong jang kăn ƀô̆, sek tơlang tơpăt tơdrong glăi, asong pơdơ̆h jang kiơ̆ tơdrong hơgăt đơ̆ng Đảng, tĕh đak, ‘măn đei lơ tơdrong ‘lơ̆ng, hơmet kơjăp đon lui đơ̆ng kon pơlei, tơgop gĭt kăl bơ̆ jang đei jơnei tơdrong jang mŭk drăm, tơpôl sơnăm 2022.